No medio dos actos da celebración da XXII edición do Asalto ao Castelo, unha delegación do municipio portugués de Alter do Châo - no distrito de Montealegre (Alentejo) -  encabezada polo seu alcalde Joviano Martins Vitorino, visita Vimianzo estes días. A delegación portuguesa chegará hoxe á vila vimiancesa e participarán na Cea Medieval no foso do Castelo. Xa mañá sábado o alcalde de Vimianzo - Manuel Antelo - ofreceralles unha recepción oficial na alcaldía ás 12:30 horas. Á tardiña e pola noite parciparán nas actividades organizadas para esta edición do Asalto, destacando o desfile das Irmandades parroquiais que se desenvolverá ás 19:30 horas. O municipio de Alter do Châo participa xunto co concello de Vimianzo no programa da Unión Europea ERN4mob que ten como obxectivo principal o de conectar as persoas de diferentes países da Unión Europea e máis alá da Unión que viven conxuntamente nas mesmas comunidades locais, para sensibilizar acerca dos seus valores e necesidades comúns, así como para promover o empoderamento das súas diferenzas sociais e multiculturais, a través da creación dunha rede de municipios rurais europeos para a mobilidade laboral que funcione a favor da integración social e laboral da cidadanía, co fin de lograr un crecemento intelixente, sustentable e integrador. Novas relacionadas

• Guinea-Bissau visita Vimianzo e abre posilidades de intercambios técnicos e económicos

Fonte

• Redacción QPC ([email protected])
• Concello de Vimianzo