Que importantes son os Centro de Informacion á Muller - CIM -, e que importante lembralo tamén nunha data como hoxe, 8 de marzo, Día Internacional da Muller.

Neste marco, o CIM do Concello de Zas, que dá servizo aos municipios de Vimianzo, Laxe, Ponteceso e Cabana de Bergantiños, tráenos datos do ano pasado: atendeu durante máis de 120 mulleres de diferentes idades. A esta cifra hai que sumarlle o número de consultas recibidas, tanto por vía teléfonica como de forma presencial, sobre diferentes aspectos.

O Concello de Zas, a traves do CIM, leva 24 anos ofrecendo asesoramento xurídico e psicolóxico ás mulleres da comarca. Segundo sinala a Directora do CIM, Carmen Espasandín, durante o 2024 aumentou de forma considerable o número de mulleres que solicitaron asesoramento en dereito de familia que abarca información relacionada con divorcios, pensións alimenticias e uso da vivenda.

Destaca tamén que no último ano medraron as solicitudes e xustiza gratuíta así como o asesoramento psicolóxico. En canto consultas relacionadas co traballo, a maior parte das usuarias solicitaron información sobre despidos, finiquitos, vacacións e permisos remunerados.

Ademáis deste servizo gratuíto de asesoramento, o Goberno Municipal de Zas - a través do CIM - organiza ao longo de todo o ano diferentes actividades co fin de promover a igualdade entre sexos e loitar contra as violencias. 
“O CIM cumple un papel fundamental como trasmisor das políAcas deste goberno na loita contra as violencias e na educacion da nosa mocidade na igualdade entre sexos e o respecto as diferenzas”; destaca o Alcalde de Zas, Manuel Muíño.

Onde está situado?

O CIM de Zas é un servizo gratuíto para a veciñanza que está financiado polo Concello de Zas. O Centro está situado no antigo edificio da Cámara Agraria de Zas e o horario de atención ao público é de luns a venres de 08:00 a 15:00 horas. Tamén atenden vía telefónica a través do número 981 70 83 03.

Máis novas