Cada vez queda menos para a esperada IV edición do festival Premios Fouciño de Baio. A finde do 1 e 2 de novembro Baio convertirase na capital do audiovisual galego, nunha cita que trata e poñer en valor o talento local. De feito, na categoría escolar hai destaca unha nutrida representación de institutos da Costa da Morte.

A organización seleccionou 22 pezas das 65 presentadas a concurso.
Estas curtas serán proxectadas o sábado 2 de novembro a partir das 18:00h en Baio, onde serán valoradas polo público e tamén polo xurado profesional, que deberán outorgar tres premios: Categoría Xeral (1.000€), Categoría Escolar (500€) e Premio do Público (200€).

Logo das proxeccións, haberá unha gala de entrega de premios na Praza Jorge Mira con concertos de Caamaño&Ameixeiras, Pantis, Copa Turbo e Afundín Jamallos.

Categoría xeral

O certame conta con dúas categorías. A categoría xeral, aberta a cineastas profesionais e non profesionais, achega 10 das finalistas. Estes son:

• Señora, por favor, de María Aragón e Alma Alonso;
• Espantos e desencantos, de Ariadna Silva Fernández;
• Vaivéns meteorolóxicos na vila da Guarda, de Miguel Flores da Costa e Manuela Pereira Enríquez;
• Taquión, de Miguel Barcia;
• Homes Traxe, de Rebeca Tella e Daniel Filloy;
• Sainte Agathe, de Juan Ares Pérez;
• Natacha con chocolate, de Sandra Ramilo Rodo;
• Moialde, no ronsel do tempo, de Yago Guirado Rodríguez;
• Eu quero unha pipa, de Candela Conde López; e
• O sole mio, de Xoán Fernández Diz.

Categoría escolar

A categoría escolar, para centros de ensino galegos, componse de 12 finalistas. As pezas seleccionadas son:

• Unha verdade desagradable, do I.E.S. Poeta Añón (Outes);
• Catro Estacións, do IES Valadares (Valadares, Vigo);
• Misión fallida, do IES Isidro Parga Pondal (Carballo);
• Educando na diversidade, do IES Maximino Romero de Lema (Baio, Zas);
• A little effort (Un pequeno esforzo), do IES Pedra da Aguia (Ponte do Porto, Camariñas);
• A princesa e o condenado, do IES Frei Martín Sarmiento (Pontevedra);
• No Labarta, do CEIP Labarta Pose (Baio, Zas);
• Un guión de cinema, do IES Agra do Orzán (Coruña);
• O Vakner, do IES Agra de Raíces (Cee);
• XÉMINIS, do IES Urbano Lugrís (Malpica);
• Ataque te pánico. Un, dous, tres, do CPI Cabo da Area (Laxe);
• Posesión na escola, do CPI As Revoltas (Cabana).

Ademais do concurso, os Premios Fouciño realizarán unha serie de actividades ao longo da semana, do 30 de outubro ao 2 de novembro. Pódese consultar a programación completa en https://premiosfoucino.concellodezas.org/ ou nas redes sociais do festival (@premiosfoucino)

Máis novas dos Fouciño