Equipo Vértebra: "Preparar os músculos para unha proba como a do Trail da Filloa é fundamental para evitar lesións"

Zas Outros Deportes

07:21 16/02/18

O próximo domingo, día 18, o equipo Vértebra - un centro de fisioterapia e podoloxía ubicado en Baio - prestará asistencia durante o II Trail da Filloa de Zas, que nesta segunda edición contará con máis de 500 participantes.

QPC: Que consellos lle dades aos participantes no II Trail da Filloa de Zas?

A preparación antes da competición é fundamental para que os músculos estean en perfectas condicións antes da actividade. Así os exercicios para quentar e de estiramento son fundamentais para non lesionarse. Ademais, é importante unha boa hidratación e unha dieta equilibrada para evitar problemas musculares.

Alicia Novás, podóloga en Baio, recomenda elixir ben o calzado así como os calcetíns para particpar en probas como a do Trail de Zas

QPC: Que calzado deben escoller os corredores?

É fundamental que o calzado sexa específico para a práctica do trail, quedando desaconsellado usar zapatillas propias de "running". No caso dos participantes na andaina popular tamén é importante que utilicen calzado propio para o sendeirismo ou incluso para o trail xa que o percorrido discorre por camiños de monte. Cada tipo de calzado reúne unhas características específicas de amortigüación e suxección propias para cada actividade. É unha premisa básica non estrear calzado para o día da probra, débese de levar aquel co xa recorremos varios quilómetros previamente. Tendo en conta as choivas destes días, será un acerto escoller un calzado con tecnoloxía Goretex®, ainda que cos ríos que se atoparán polo camiños pode que lles sirvan de pouco!. Un dos grandes esquecidos son os calcetíns ou medias a pesar do seu importante papel. Deben de axustarse ben aos pés e contar con zonas de maior amortigüación no talón, na punta dos dedos e nos laterais do pé.

QPC: Onde estarán instaladas as camillas?

Instalarase unha zona de camillas dentro do pavillón municipal de Zas onde tamén estarán as duchas así como a zona de elaboración e dugustación de filloas e de caldo.

QPC: Cando deben acudir os participantes á zona de camillas?

Os participantes poderán pasarse pola zona de camillas despois de realizar a proba. A nosa recomendación é que pasen antes polas duchas e que acudan en pantalón curto.

QPC: Cales son os tratamentos xerais que se practican na fisioterpia despois de participar nunha proba deste tipo?

A nosa función como fisioterapeutas será axudar a normalizar o tono muscular despois de realizar un esforzo físico deste tipo; así que en función de cada persoas realizaremos tramentos de masaxe clásico, masaxe terapeútico, terapia fascial e ventosa, electroterapia, acupuntura, estiramentos, kinesiotaping, masoterapia con xeo, etc. No caso de que algún dos participantes se lesione ou se a situación o require, derivaremolo ao persoal sanitario correspondente.

QPC: Cales son as lesións máis frecuentes entre os corredores?

Como é a primeira vez que participamos nun trail non sabemos moi ben co que nos atoparemos, ainda que podemos intuir que haberá algún que outro esguince de xeonllo e nocello, distensións musculares e tendinosas, roturas de fibras, sobrecargas, contusións, fatiga muscular ou algunha ferida aberta que derivaremos a enfermería. É dicir, faremos un servizo de primeiros auxilios. No caso de que a lesión o requira derivaremolo ao persoal sanitario correspondente. No caso de que sexan lesións que trate a fisioterapia aconsellaremolo a que acuda ao seu fisioterapeuta de confianza recalcando que se poñan mans de profesionais evitando así compoñedores ou falsos osteópatas que poidan empeorar a lesión.

QPC: Quen formades o #equipoVértebra?

Vértebra é un centro multidiciplinar, no que se integra atención de fisioterapia e podoloxía. O equipo de fisioterapia está formado por Berta Reymúndez á cabeza, David Espasandín e Sabela Maseda. E figurando como única responsable de podoloxía, Alicia Novás. Entre todos buscamos dar a mellor atención e pauta terapéutica posible, realizando valoracións e o seguimento dos nosos doentes conxuntamente.

QPC: En que sodes especialistas?

En Vértebra abordamos distintos campos terapéuticos, tales como; rehabilitación postural, valoración e rehabilitación do chán pélvico, exercicio terapéutico e pilates para embarazadas, fisioterapia respiratoria infantil, cólico do lactante, rehabilitación en doentes con afectación neurolóxica, drenaxe linfático, articulación temporomandibular, técnica miofascial, exploración biomecánica en nenos e adultos, realización de orteses plantares á medida, separadores de silicona á medida, tratamento de fungos en pel e unllas, cirurxía en unllas cravadas, tratamentos de papilomas, etc.

QPC: Onde estades?

Estamos na rúa Obispo Romero Lema, 50-52 baixo, en Baio. O noso número de teléfon é 981 73 15 51 e tamén temos páxina de Facebook onde falamos de tratamentos que realizamos e abordamos outras cuestións relacionadas coa fisioterapia e a podoloxía.