O vindeiro día 18 de outubro ás 18:00, o PSdeG de Zas fará un acto de homenaxe e recoñecemento a Isabel Suárez Amado, figura clave do tecido asociativo da vila, falecida no ano 2018.

Sheila Rial, voceira socialista local, sinala que será "un acto pensado dende o cariño e o respecto, no cal se outorgará un merecido recoñemento a una muller que adicou a súa vida a mellorar o seu municipio".

Isabel, natural de San Cremenzo de Pazos, foi, explica Rial, "unha gran muller, vinculada ao PSOE de Zas dende 1995 e implicada de cheo na vida social e cultural de San Cremenzo e de Zas en xeral". "O seu falecemento no ano 2018 deixou unha enorme consternación en todo o municipio", engade.

Desde moi nova, Isabel estivo vinculada á cultura, formou parte da Escola Municipal de Teatro de Persoas Adultas de Zas e tamén ocupou numerosos cargos nas comisións de festas e na Asociación de Veciños da súa parroquia. Foi nas listas electorais do PSOE de Zas, dende 1995, durante varias lexislaturas consecutivas.

O acto, coincindo na semana do Día da Muller Rural, será na Casa do Pobo de Zas, na rúa Agra dos Cregos.