Mércores. 18.05.2022
El tiempo

A exposición de maquetas Exin permanecerá nas Torres do Allo ata o mes de setembro

Exposicion Maquetas Torras do Allo
O deputado de Patrimonio, Xosé Lois Penas; e alcalde de Zas, Manuel Muíño; o concelleiro de Cultura de Zas, José Manuel Brenlla, e representantes da Asociación Exin Castillos, Fran Guerra e Xurxo Barcala, entidade promotora da iniciativa, durante unha visita
A exposición de maquetas Exin permanecerá nas Torres do Allo ata o mes de setembro
Dende o pasado mes de abril as Torres do Allo acollen unha singular exposición con 15 grandes maquetas que reproducen patrimonio moi representativo do país. Unha mostra que permanecerá aberta ao público ata o mes de setembro. Ata mediados de xuño pode visitarse nas fins de semana e durante o período estival poderá visitarse de luns a domingo.

“Pensamos que esta mostra é unha forma lúdica e atractiva de dar a coñecer o noso patrimonio, e máis aínda nun marco tan acaído como son as Torres do Allo” asegurou Xosé Lois Penas tras a visita. O deputado de Patrimonio puxo en valor a oportunidade que ofrece “como percorrido por diferentes enclaves emblemáticos do noso territorio, mais tamén da nosa histororia, nomeadamente do período medieval”.

Tras a visita, o deputado de Patrimonio e a Asociación Exín Castillos falaron da posibilidade de incorporar á colección maquetas do Castelo de Vimianzo e do Mosteiro de Caaveiro.

Pola súa banda o alcalde de Zas, Manuel Muíño indicou que “estou seguro que esta iniciativa vai sorprender a todos os visitantes que se acheguen durante estes meses ás Torres do Allo”. Ademais, quixo salientar que “aínda que todas as reproducións son de monumentos moi coñecidos, a min gustaríame sinalar que inclúe dous moi representativos do Camiño, a Catedral de Santiago e o faro de Fisterra”.

Maqueta do Faro de Fisterra
Maqueta do Faro de Fisterra

Os monumentos da provincia da Coruña que aparecen representados na mostra son o Faro de Fisterra, a Catedral de Santiago, o monumento aos Mártires de Carral, a Torre de Hércules, o Pazo de Meirás, a igrexa de Santa María de Cambre, o Torreón dos Andrade e as Torres do Allo. No verán incorporarase o Castelo de Moeche – que está depositado permanentemente no propio Castelo de Moeche-.

comentarios