Escaparates do Venres Nejro de Baio Fantástica a resposta do comercio e hostalería de Baio ás propostas de unión. A Asociación de Empresarios Comarca de Soneira está conseguindo unificar o sector económico baies e bo exemplo disto é a campaña, en colaboración co Concello, en contra da Violencia Machista, na que están implicados máis de 100 establecimentos de Baio, polos 60 de Carballo. Pero ademais, esta semana do #25N vén marcada tamén, comercialmente, polo famoso #BlackFriday. E como pola volta somos así de bravos, toca chamarlle #VenresNejro. Así, durante o venres 25 e o sábado 26 haberá numerosos descontos nos establecimentos. Pero para completar a oferta, a Asociación armou tamén a 1ª Ruta da Filloa en Baio. 13 locais de Baio prepararán filloas para todos os gustos (doces, salgadas, soas…) a 1€ para gozar dunha fin de semana completa.

Magosto

Non queda aí a cousa. A Asociación Adro tamén se une á causa e prepara para o sábado 26 un Magosto. Ás 19:00h haberá obradoiros para os nenos (necesario apuntarse), e a partir das 21:00h, degustación de castañas e festa rachada cos Campantes da Baña. Queda demostrado que Baio está moi activo, como o demostra a páxina de Facebook Actívate en Baio. Novas relacionadas

• #25N: A loita contra a violencia de xénero dende os escaparates.
• Máis de cen establecementos de Zas tinguiranse de negro para loitar contra a violencia machista
• Carballo e Zas súmanse á campaña “En negro contra a violencia”

Fonte

• Redacción QPC ([email protected])