Domingo. 27.11.2022
El tiempo

As obras da ponte de Baio provocan un novo corte na estrada de Baíñas

Grua na ponte de Baio
As obras da ponte de Baio provocan un novo corte na estrada de Baíñas

A ponte de Baio tampouco estará aberta para a ponte da Constitución. Mentres, os empresarios agardan con impaciencia que rematen as interminables obras que separa unha vila. E mentres, os peches continúan sendo habituais, como o que pechará a estrada de Baíñas a Baio entre as 08,00 e as 20,00 horas destes luns e martes.

Débese á presencia na AC-552 dunha grúa automóbil de gran tonelaxe que impedirá o paso de vehículos. Unha grúa que está colocando as lousas (unhas pezas de 12 metros de longo de ata 25 tonneladas) para a ampliación da ponte.

Obras na ponte de Baio

Informan do desvío alternativo que hai que coller, se ben se mantén operativo o paso de peóns. E dende a Xunta confirman que a circulación na ponte reabrirase o 10 de decembro, tal e como se informou esta mesma semana aos veciños e empresarios.

Pero ollo, que non é o peche definitivo. Unha vez aberta ao tráfico a ponte, continuarase cos traballos de remate das obras (aglomerado, beirarrúas, sinalización), que precisarán de cortes puntuais, que se realizarán en 2022, unha vez finalizado o período de Nadal.

Desvio da estrada de Bainas

”A Xunta lamenta as molestias que as obras lle están a causar á cidadanía pero razóns de seguridade fan necesario un tempo desde a colocación das lousas ata a apertura ao tráfico e a entrada en carga da estrutura construída”, explican lembrando as dificultades técnicas coas que se atoparon ao inicio das obras.

Novas relacionadas

comentarios