Chega a gran fin de semana na que Baio se convirte, máis que na Porta Grande, no centro neurálxico da Costa da Morte. A Asociación de Empresarios Comarca de Soneira prepara unha fin de semana espectacular, que contará ademais cun tempo ideal par achegarse e disfrutar “da pelota”, como xa se refiren na vila a estas xornadas festexeiras de apoio ao comercio local.

”Xa hai gañas de saír, de tapear, de comprar… e aquí teremos un ambiente festivo, así que invitamos a todo o mundo a pasar en Baio integramente a finde porque hai para todos os gustos e todas as cores”, explica Tatiana Rellán.

Ademais dos descontos das tendas, sobre todo sobre a nova temporada, e mesmo coa presencia de varios outlets de tendas da zona, 3 bares ofrecerán ata 10 pinchos estupendos. Ademais, a vila principal contará co pasarrúas da Charanga NBA para dinamizar a ruta de bares e pinchos.

Na Praza Nova, o sábado será un bule-bule. Durante todo o sábado haberá diversos postos de artesanía, e dende a tarde do sábado haberá inchables e cousas para nenos (o sábado de 16:00h a 20:00h e domingo de 12:00 a 14:00h e de 16:00h a 20:00h).

As xornadas coinciden ademais coa Feirauto de Baio, “o broche de ouro”. “Podes pasar a comprar un coche, un pantalón, unha crema para o sol, uns pinchos, algo de artesanía… de todo”.

Novas relacionadas

• Abril 22: Maio é de Baio: Volve “a pelota“.
• Marzo 22: A Asociación de Empresarios mira xa á reactivación armando o “Baio ten a Pelota”.
• Marzo 22: #EuPecho: “Que saiban que na Costa da Morte intentámolo”.
• Nadal 20: #MercaSoneira, a nova marca do comercio local soneirán.
• Xuño 20: Faladoiro sobre a crise nos negocios costeiros: “A campaña empezou moi ben” .
• Agosto 19: "Dá igual que chova ou faga calor. A Festa da Pelota sempre é un éxito”: