Unha imaxe da tradicional festa, anterior aos anos 80. antes mesmo de que a A.C. Castro Meda recuperase a cita 35 anos son moitos anos para unha festa. E hoxe queremos viaxar no tempo para coñecer as orixes deste singular festival que se celebra o primeiro sábado de agosto.

Unha orixe que atopamos na festividade do Santísimo Sacramento, que celebraba a finais de agosto dende hai séculos e que era unha fermosa romaría que se celebraba na Carballeira do Souto.

A festa foi desaparecendo ata que nos anos 80 se decidiu retomala por un grupo de incansables defensores da cultura tradicional. Aló baixaban a comezos doa nos 80, unha manchea de homes (só homes, si…) a merendar ao río, con comida a fartar e a música de “Os de Montouto”, grupo de gaitas das terras do Xallas, e volvían ao caela noite a continuar da festa na praza do Campo. Ano a ano a festa foi normalizándose, pero a organización facíase cada vez máis complexa.

Sorte que os futuros fundadores da AC Castro Meda tomaron as rendas e foron afianzando a festa. A idea de disfrutar funha fermosa tarde en familia a carón do río, e de poñer en valor o baile e a música populares fóron manténdose cos anos, se ben a cita adiantouse ao primeiro sábado de agosto, e trasladouse á Carballeira de Velar, un dos auditorios naturais máis fermosos de Galicia, un bosque autóctono auténtico de máis de 14,500 km2.

Espectacular o auditorio natural da Carballeira de Velar, nunha imaxe do festival da Carballeira de Zas en 2012

A día de hoxe, o festival é unha auténtica referencia internacional en materia de música folk, e é unha das festas fixas para a mocidade da Costa da Morte.

Máis información

• www.festadacarballeira.com.
• Facebook da Festa da Carballeira.
• Axenda Sonora da Costa da Morte.
• Axenda Costa da Morte

Novas relacionadas

• 2018: Galicia, Escocia e Xapón protagonizan unha Festa da Carballeira de Zas máis folk ca nunca
• 2017: A Festa da Carballeira vence ao orballo e ao vento coa súa música de raíz.
• 2017: Youenn Le Berre, flautista de Gwendal: “O público da Festa da Carballeira de Zas transmite maxia”.
• 2017: Fidel Otero: “A Carballeira si está en moi bo estado de saúde, non tanto a música folk”
• Carballeira 2016: A Carballeira de Zas bate marcas
• Carballeira 2016: Mago de Oz arrincou unha espectacular Carballeira de Zas.
• Carballeira 2016: Fidel Otero: “A Festa da Carballeira é algo que levamos dentro”.
• 2013: 30 anos de folk e festa na Carballeira de Zas.
• 2012: A música e a troula puideron ca chuvia na Carballeira de Zas.
• 2012: Lupe Nieto: “Boa música sen troula non cabe na Carballeira de Zas”.

Fonte

• Redacción de QPC ([email protected]).