Volve “Baio ten a pelota” con descontos, ruta de pinchos, artesanía, animación e 1.500 euros en premios

rua-baio-ten-a-pelota-2023 — A vila comeza a estar decorada para a ocasión con bandeirolas e con pelotas amarelas colgadas nas fachadas dos establecementos participantes.

09:38 11/05/23

Practicamente a totalidade dos establecementos hostaleiros e comerciais de Baio e de A Piroga (Concello de Vimianzo) participan na campaña “Baio ten a pelota”, organizada nesta ocasión polo Concello de Zas, xa que a habitual promotora a Asociación de Empresarios Comarca de Soneira, carece de equipo directivo actualmente.

Durante tres días (12, 13 e 14 de maio) nos comercios atoparás importantes descontos en roupa de tempada e o sector hostaleiro ofrecerá unha variedade de tapas que se poderán degustar por 2,5€.
Ademais da oferta comercial e gastronómica local, na rúa Bispo Romero Lema instalaranse uns quince postos de moda, complementos, artigos para o fogar e artesanía.

Ambientazo o que se prevé para estas xornadas que pretenden ser un apoio ao comercio local, que veñen acompañadas das seguintes actividades:

Animación musical nas rúas
Inchables e xogos infantís na Praza Jorge Mira Pérez
Talla con motoserra na Praza Jorge Mira Pérez
Teatro no Auditorio de Baio (sábado, 21:00 horas)

Compras con premio

A todo esto hai que sumarlle os 1.500€ - un 50% máis que nas pasadas edicións - que se repartirán en premios en metálico (un premio de 1.000 euros e outro de 500€) e
que se sortearán entre todas aquelas persoas que consigan catro cuños de compra nos establementos participantes.

Comercios participantes