Imprimir

As Anpas convocan unha manifestación para este mércores pola tarde

Redacción | 16 de setembro de 2020

A incerteza neste comezo de curso segue viva entre as familias, tanto as que xa comezaron (de Infantil e Primaria) como as que están á espera (ESO e Bacharelato). De aí que as Anpas Galegas e os sindicatos convoquen para esta tarde de mércores, unha concentración en 24 cidades galegas.

Entre elas, están Carballo e Cee, que as 19:00h acollerán na Praza do Concello e na Praza da Muller a ducias de familia que protestarán por un Ensino Público Galego seguro e protexido.

 

”Non é admisíbel que poñan por diante da calidade do servizo público o aforro económico que poida representar a non contratación das profesionais necesarias”, denuncian. “Non damos crédito ao feito absurdo de que o alumnado galego sexa tratado con normativas diferentes segundo estea en primaria, secundaria, sexa usuario de comedores ou transporte escolar”.

”Queremos, e temos dereito, a un Ensino ben organizado, preocupado pola saúde física e emocional das nenas e nenos, estruturado na procura da igualdade de todas e garante de que todas as galegas e galegos teñamos os memos dereitos e o mesmo tratamento e opcións.”

 

Novas relacionadas

Podes ver este artigo na próxima dirección /articulo/costa-da-morte/anpas-convocan-manifestacion-mercores-pola-tarde/20200916093704121893.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia