Vén de presentar Deputación da Coruña os datos do POS+, ou Plan Único. Un plan que permite este ano repartir máis de 100 millóns de euros en toda a provincia para que os 93 Concellos decidan en que investilos. Deles, 21 millónsviñeron para os 19 Concellos da Costa da Morte que cubrimos en QPC, duplicando a cantidade do ano pasado. 

Na presentación, o presidente da entidade Valentín González  Formoso incidiu no “cambio revolucionario” que supuxo o Plan Único na forma de facer política da institución provincial, xa que multiplicou por tres o investimento da Deputación nos concellos e deulles “total autonomía” á hora de decidir en que invisten os fondos.

Se ben moitos dos concellos escollen asfalto e gasto corrente, o POS+ permite decidir que obras nos concellos máis pequenos. “É unha ferramenta mellora a vida da cidadanía en todos os concellos da provincia, pero especialmente naqueles máis pequenos, xa que para os 82 concellos de menos de 20.000 habitantes o importe recibido a través do POS pode supor desde un 5-10% do orzamento no caso dun concello mediano e até 20-30% para os máis pequenos”, sinalaron na presentación Xosé Regueira e Cristina García

OUTRAS NOVAS DO POS

• O cadro do POS+23 para os Concellos da Costa da Morte.
• Domingo Guerra: Así é o POS+.
• 2022: Asfalto e gasto corrente, sen consenso: Así gastan o POS os Concellos da Costa da Morte.