Xoves. 30.05.2024
El tiempo

A Costa da Morte moi presente tamén nos finalistas aos Premios Martín Códax

Dous membros de The Rapants como finalistas dos Martin Codax
Os membros de The Rapants como finalistas dos Martín Codax, xunto a Lucía Aldao e Mai
A Costa da Morte moi presente tamén nos finalistas aos Premios Martín Códax

Está nun momento doce a cultura da Costa da Morte. Vímolo nos Premios María Casares, onde a nosa compañía Talía Teatro arrasou; vímono esta semana no Concurso xuvenil Quero Cantar, que levou a larachesa Daniela Montes; ou nos Premios aRi[t]mar, que levou a banda De Ninghures tras unha final chea de propostas costeiras.

Toca repasar a presenza costeira nos finalistas dos Premios Martín Codax da Música. Xa o ano pasado chegaban á finalísima dos “Grammy galegos” a ceense María Lado con Aldaolado e a banda carballesa Apart. Este ano a presenza é maio:

  • Os muradáns The Rapants, unha das bandas de moda do país, competirán precisamente con Lucía Aldao e Mai, na categoría Pop e Indie. Os divertidos costeiros xa foron finalistas no aRitmar.
  • Caamaño & Ameixeiras, outras das nosas finalistas no certame aRitmar, competirán con De Ninghures (cómpre lembrar que o carballés Hadrián García é parte da banda compostelá), e a gran Susana Seivane na categoría Folk.
  • Temos tamén aos muradáns Terbutalina competindo na categoría Rock & Punck con Mad Martin Trio e Moloch.
  • A zaseira Antía Muíño está nominada á Mellor Canción de Autor/a, e na finalísima estará nada menos que ante as históricas Guadi Galego, e Uxía "A Pedreira".
Antia Muino finalistados Martin Codax da musica 2024
Antía Muíño, á esquerda, recollendo a botella de finalista
Terbutalina a esquerda nos Martinn Codax
Miguel Cernadas, á esquerda, o cantante de Terbutalina,

Podedes ver aquí todos os finalistas aos Premios Martín Codax 2024.

Máis novas culturais

 

Comentarios