Venres. 29.03.2024
El tiempo

Aparece un home de avanzada idade logo dunha noite desaparecido polos montes de Dumbría

Aparece un home de avanzada idade logo dunha noite desaparecido polos montes de Dumbría

Pasadas as 21 horas do pasado martes, a familia dun nonaxenario veciño da parroquia dumbriesa de Berdeogás poñíase en contacto co 112 para avisar da súa falta desde 18:30 horas, cando saíu ao seu habitual paseo. A partir de aí, activouse un operativo de busca coordinado pola Garda Civil e no que colaboraron os voluntarios de Protección Civil da vila.

Ademais, a primeira hora do mércores, estaba prevista a incorporación do equipo de drons da Axencia Galega de Emerxencias (AXEGA), mais a localización do home sobre as 10:00 nun campo de millo próximo ao seu domicilio anulou a súa saída.

En xeral, o home presentaba un bo estado de saúde, malia a enfermidade que padece e algún síntoma de arrefriamento, polo que será sometido a unha revisión médica no centro correspondente.

Comentarios