Segue sendo un misterio a orixe dos residuos que cada día chegan ás nosas costas. “É como se o pañol ghrande cansado de nós, tivera valeirado o seu depósito creando un fluxo sen fin de refugallos plásticos multicor ao longo de toda a ribeira entre Camelle e Arou”, dubida Xosé Manuel Barros, a alma de Mar de Fábula.

Tamén é un misterio a orixe de centos de botellas de plástico cheas de aceite de xirasol que chegaron estes días pola zona. A opinión predominante dos veciños é que as botellas son a carga dalgún container reventado ao caer ao mar dende a cuberta dun barco que pasou polo Corredor Marítimo de Fisterra. Algunha voz atreveuse a relacionar este verquido co incendio e naufraxio do ro/ro “Grande América” que afundiu diantes das costas da Bretaña francesa o pasado 12 do cte. con 2.000 vehículos a bordo e 40 containers, varios deles con mercaduría perigosa, perdidos no mar.

Ante esta situación a comprometida entidade Mar de Fábula fai un chamamento aos veciños de Camelle e Arou e a todos os voluntarios que queiran colaborar na recollida de tapóns e anaquiños de lixo plástico que nunha inxente cantidade, mesturados co “arghasso”, teñen chegado ás praias desta dúas vilas mariñeiras, moito máis á de Camelle.

Realizarán limpezas, de aproximadamente un par de horas, en:

• Día da limpeza en Arou, domingo 24 de marzo ás 11:00 horas.
• Día da limpeza en Camelle, sábado 23 marzo ás 11:00 horas .

Mar de Fábula poñerá as bolsas e lubas, para que todos lle botemos unha man ao mar.

Artigos de Xosé Manuel Barros

• Que facer co lixo plástico?.
• No Día Mundial dos Océanos, unha limpeza de praia máis, non sirve para nada.

Novas relacionadas

• Moito máis que unha limpeza. Unha xornada de concienciación directa.
• Sementando nos nosos pequenos unha mensaxe de sensibilidade, respecto e amor pola nosa natureza.
• “Se depositamos os bastonciños nunha papeleira, evitamos que chegue ao mar un dos dez primeiros contaminantes”
• Campaña “A túa casa non queda tan lonxe do mar”: Pequenos cambios, grandes resultados.
• As criaturas caóticas de Mar de Fábula chegan á praia de Ariño
• Mar de Fábula recolle 560 bastonciños de algodón en cen metros de praia
• O impacto ambiental dos bastóns de algodón

Outras novas

• 40.000 barcos atravesan cada ano o Corredor de Fisterra.