Xa está aberto o prazo de inscrición para participar no III Maratón Fotográfico Ramón Caamaño 2012 que convocan o Concello de Muxía e a Asociación de Turismo Rural “Muxía Natural”. Así, voltaremos atopar auténticos herdeiros do gran fotógrafo muxián, como xa son os Marcos Rodríguez, gañador da 1ª edición, ou os gañadores da edición do ano pasado.

Haberá dous temas para escoller, un tema libre e outro terá que ser sobre as casas de turismo rural asociadas (cun máximo de 5 fotos por tema).

O prazo de inscrición irá dende onte, 29 de outubro ata o 6 de novembro.
A partir do 7 de novembro e ata o día 30 do mesmo mes poderán facerse as fotografías e envialas ou entregalas no Concello de Muxía para a súa participación no concurso.
A taxa de participación é de 10 € e haberá dous premios de 800 € (un primeiro por cada tema), un segundo premio de 400€ e varias estancias nas casas rurais da Asociación Muxía Natural.

Máis información

• Concello de Muxía: Bases e Follas de Inscrición para o Maratón Ramón Caamaño.

Para maior información pódese contactar co Departamento de Cultura municipal ( 981 74 20 01) ou visitar a web do Concello ou das casas rurais.

Novas relacionadas

• Dúas de fotografía: Un maratón por Caamaño e un safari por Pondal.
• II Maratón de Fotografía Ramón Caamaño: Ramón Caamaño escoulleu as fotos que mellor reflicten a beleza muxiá.
• I Concurso de Fotografía Ramón Caamaño: Ramón Caamaño xa ten sucesor.

Fonte

• Concello de Muxía.