Piden a anulación da DIA do Parque Eólico de Bustelo por omitir a necesaria protección ao lobo

Había case un ano que non se fala do mega-proxecto eólico dividido en tres de Bustelo, Campelo e Toural, tres parques diferenciados no papel para salvar as restricións ambientais, pero que, por exemplo, evacuarán a súa enerxía mediante unha única liña de alta tensión. Hoxe é a activa Asociación Petón do Lobo a que volve traer o asunto á colación, solicitando a anulación da Declaración de Impacto Ambiental (DIA) do proxecto de Bustelo (nos concellos de Carballo e Coristanco) pola omisión da protección do lobo.

”A omisión e a falla de avaliación dos impactos sobre da especie provoca a nulidade radical e de pleno Dereito da Declaración de impacto ambiental do proxecto promovido por Greenalia Wind”, declara a entidade costeira, en colaboración da Asociación galega Cova Crea e a Asociación “O Ouriol” do Anllóns.

A entidade lembra que “o Convenio de Berna relativo á Conservación da Vida Silvestre e o Medio Natural de Europa, asinado en Estrasburgo (Francia) en 1979, incluíu ao lobo no Anexo II Especies de fauna estritamente protexidas”. E explica que a territorialiade do lobo fai necesario o respecto das súas zonas de influencia.

Nese sentido denuncian que “os proxectos eólicos proxectados de Bustelo, Campelo e Toural e as súas correspondentes instalacións de evacuación da enerxía fragmentan o territorio de forma considerable, a paisaxe e os hábitats da especie”.

”A Consellería de Medio Ambiente, Territorio e Vivenda tanto se centrou na protección da flor Centaurea ultreiae, unha margarida única na zona e protexida pola normativa, que esqueceu outra especie presente na zona e protexida polo Convenio de Berna como é o Lobo”, bromean dende as entidades.

Novas sobre o lobo

• Cara a cara co lobo.
• Chisco Lema caza o lobo.
• Francisco Santiago López lanza unha serie de vídeos sobre o lobo no seu canle Signatus Films
• Signatus Films caza o derradeiro lobo ibérico na Costa da Morte.
• Breve etoloxía do lobo ibérico por Francisco Santiago López na Costa da Morte.
• Chisco Lema participa nas Xornadas do Lobo de Santa Comba, das mellores de España.

Novas do megaparque de Bustelo, Campelo e Toural

• Xaneiro 2020: O Concello de Santa Comba loita contra a ubicación dos parques eólicos de Castriz.
• Novembro 19: Santa Comba vestiuse de negro contra o “megaparque” eólico de Bustelo, Campelo e Toural.
• 14-10-19: Nova concentración contra a sombra dos viraventos.
• 23-09-19: Unha Andaina para defender a Lagoa de Alcaián ante a invesión eólica.
• Veciños de Ponteceso, Mazaricos, Coristanco e Santa Comba unen a súa loita contra os eólicos nunha Rede de Plataformas Galegas.

Novas sobre os proxectos eólicos

• “Aldeas con horizonte”: Manifesto por unha moratoria a novos parques eólicos.
• Salgueiras: Ofrecen un modelo para presentar alegacións para pedir a inaplicación do Plan Sectorial Eólico de Galicia.
• Corme: “Queren expropiar fincas que xa levan meses ocupadas polo novo parque eólico de Corme”.
• Cerqueiral: O Cerqueiral, outra ameaza eólica para os montes de Cabana, Coristanco e Santa Comba.
• Bustelo, Campelo e Toural: O Concello de Santa Comba loita contra a ubicación dos parques eólicos de Castriz.
• Varios: Greenalia, que promove 7 parques eólicos na comarca, fai unha doazón de material escolar.