Imprimir

Segundo incendio en tres días en Fisterra

que pasa na costa | 06 de maio de 2019

Incendio en Talon-Fisterra-Foto Mary Insua e Jose Insua
Incendio en Talon-Fisterra-Foto Mary Insua e Jose Insua
Segundo incendio en tres días en Fisterra

Vai por ondadas o incendiario que anda solto por Fisterra. Se o pasado verán a zona sufría 5 incendios en dúas semanas, estes días xa van polo segundo incendio. A pasada noite do venres ao sábado, os veciños de Buxán e Rial, xunto cunha brigada, tiveron que estar sufocando un lume na parroquia de Sardiñeiro. Ata abrir o día estiveron axudando aos Bombeiros, que tiveron problemas para acceder aos focos pois alguén prendía en sitios estratéxicos, en fincas onde levan tempo se facer mantemento e o toxo alcanza varios metros de altura.

Esta mañá de luns, a veciñanza fisterrá amence tamén cun novo incendio, en Talón, moi preto da estrada. Ata o de agora non tiveron que cortar a estrada, e aseguran que o lume xa está controlado pero aínda activo.

Seguiremos informando.

Accidente en Dumbría

A xornada dominical deixou tamén un accidente de tráfico en Berdeogas, no temido cruce da AC-552 coa AC-442. COrrían as 14:00h cando tres vehículos colidían, deixando varios feridos.

Novas relacionadas

Máis novas sobre incendios

Podes ver este artigo na próxima dirección /articulo/fisterra/segundo-incendio-dias-fisterra/20190506092935109327.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia