Máis de 1300 persoas piden a retirada das pinturas da igrexa de Fisterra. Imaxes: Darío Gómez A nova  asociación de veciños de Fisterra, que naceu co fin de defender o patrimonio da vila, presentou onte no concello máis de mil trescentas sinaturas coas que se solicitan a retirada da pintura de cor augamariña do interior da igrexa da santa María das Areas. Este foi un dos temas que a nova entidade veciñal tratou nunha reunión co alcalde de Fisterra, xunto con outros dez puntos máis. Reunión entre os representantes da asociación e o alcalde de Fisterra. Imaxe: Darío Gómez Durante a reunión mantida co alcalde, os membros da asociación de veciños de Fisterra solicitaron a creación dunha oficina de información turística no centro da vila e outra no faro, a aprobación do PXOM, a limpeza dos espazos verdes públicos, a recuperación de bens patrimoniais (cruceiros, muíños,...), a creación dun queimadoiro de roupa para os peregrinos coa súa debida vixilancia, dar a coñecer entre os veciños o plan director do Cabo, a posta en funcionamento da Vaca do Faro, o mantemento de forma trimestral de cunetas e vías secundarias e unha maior exhaustividade na lectura dos contadores da auga. Membros da asociación valoran como "positiva" a reunión mantida co goberno local.  

Novas relacionadas

• A tensión de cor aguamarina invadíu a Igrexa de Fisterra
• Martiño Nercellas: Sobre a ética e a estética da restauración da Igrexa de Fisterra
• 11-10-15: Veciños e fregueses únense para protexer o patrimonio fisterrán.
• 05-10-15: Indignación en Fisterra pola restauración da Igrexa de Santa María das Areas.
• 25-03-15: Os veciños abuchean a rehabilitación do Santuario de la Virgen de la Barca.
• 9-11-12: O Cabo Fisterra terá que agardar máis dun ano polo seu ambicioso Plan Director.

Fonte

• Redacción de QPC (info@quepasanacosta.com).
• Asociación de Veciños de Fisterra