Procesión da Burriquita de Fisterra-Foto-Darío Gómez

Arrincou a Semana Santa e fíxoo baixo un fermoso sol costeiro. Vilas como Fisterra, Cee, Carballo engalanáronse para as primeiras procesións, os primeiros actos do programa relixioso. O Venres das Dolores, a Peregrinación ao Santísimo Cristo e o Domingo de Ramos coa Borriquita fixeron as delicias de centos feligreses, que levan un ano esperando.

O sol completou unha fin de semana ben fermosa, que fai aumentar as expectativas de cara á unha boa ocupación na fin de semana grande.

Procesión da Burriquita de Fisterra-Foto-Darío Gómez

Lucíu o sol en Fisterra, con seguridade a vila que máis o vive, lembrando que son 2.000 as persoas que colaboran activamente nas confrarías, medio pobo, literalmente. Unha Semana Santa que segue pelexando polo recoñecemento estatal como Festa de Interese Turístico, e que cada ano se supera cun completo programa litúrxico e festivo.
A resposta de veciños e visitantes foi fantástica e as xentes ateigaron as rúas e mesmo o peirao para ver pasar a Borriquita, imaxe estreada hai apenas 2 anos.

Pola Pereiriña tamén se celebrou, ao caloriño, o Domingo de Ramos, e moitos veciños quixeron aproveitalo.

Domingo de Ramos na Semana Santa da Pereiriña-Foto-Rafa Quintáns Domingo de Ramos na Pereiriña-Foto-Rafa Quintans

Axenda de Semana Santa

• A Semana Santa de Fisterra ten cartel e programa.
• Carnota prepara unha Semana Santa para ir vela.
• A Mostra do Encaixe de Camariñas volve por Semana Santa.
• A Fervenza do Ézaro volve iluminarse nas noites de Semana Santa.
• O Ecomuseo do Forno do Forte prepara o barro para unha completa Semana Santa.
• As visitas teatralizadas volven ás Torres do Allo na Semana Santa.

Fonte

• Redacción de QPC (info@quepasanacosta.com).