O vindeiro sábado, día 4 de febreiro, terá lugar no salón de actos do edificio das esolas de Ponteceso un taller de Tai Chi Chuan. A actividade está organizada pola agrupación deportiva Abellariza I.E.S. Ponteceso e impartirano os profesores da delegación galega da escola Ma Tsun Kuen, que dispón dun centro de artes marciais e actividades saudables en Cambre. O taller, que se desenvolverá de 17 a 21 horas, dividese en tres tempo. Primeiro practicarase Taichi Tsaos; uns exercicios de quencemento que se realizan co fin de liberar tensión nas articulacións. Logo, abordaranse os conceptos básicos do Tai Chi Chuan. E por último, veranse as aplicacións prácticas dos exercicios do Taichi para a saúde e a defensa persoal. Inscricións Este tipo de ximnasia favorece a saúde e tamén se pode empregar como defensa persoal. Os interesados en anotarse poden inscribirse a través da páxina de Facebook de Abellariza ou enviando un correo ao enderezo electrónico abellarizaponteceso@gmail.com. A inscrición é gratuíta.

Novas relacionadas

• De ruta con Abellariza
• Abellariza aposta polo deporte na rúa
• A agrupación deportiva Abellariza colle impulso.
• Unha Abellariza para que non todo sexa fútbol por Ponteceso

Fonte

• Redacción QPC (info@quepasanacosta.com)
• Abellariza