Comezaba a pasada semana a Xunta a cumprir coa súa propia Lei de Prevención de Incendios Forestais, a pesar de levar anos avisando e de estar vixente dende o pasado mes de maio.

Durante todo este tempo, foron poucos os Concellos que estiveron informando e esixindo. Un deles é o da laracha, que informa que xa leva preto de 300 notificacións (previo informe da Policía Local) a propietarios de parcelas, terreos, fincas e solares situados nos núcleos urbanos, zonas da periferia e áreas residenciais de parroquias rurais que requiren dun tratamento especial a obriga de mantelos nas condicións axeitadas de limpeza en cumprimento da normativa vixente.

Lembra o Concello que “os requirimentos advirten que o incumprimento pode implicar sancións administrativas e asumir os custes das intervencións subsidiarias do Concello”, puidendo “implicar a apertura de expedientes sancionadores por importe desde os 1.000 (infracción leve) ata os 100.000 euros (infracción grave), ademais de asumir o propietario das parcelas o custe das actuacións que, no caso de ser preciso, o Concello executa subsidiariamente”.

NOVAS RELACIONADAS

• Novembro 21: A Lei de prevención de Incendios e limpeza da biomasa faise cumprir dende Carnota.
• Maio 21: A Xunta lembra a obrigatoriedade de limpar os terreos forestais próximos ás vivendas antes do 31 de maio.
• Marzo 21: A Laracha volve lembrar a obritagoriedade de manter limpas as parcelas forestais en solo urbano.
• Xaneiro 2021: O Concello de Camariñas xa envía os primeiros expedientes por non manter limpas as fincas forestais.
• Setembro 2020: A Laracha xa abriu 200 expedientes a propietarios que non limparon as súas parcelas:
• Agosto 2020: Camariñas, un dos poucos Concellos que lembra as obrigas aos propietarios da limpeza das parcelas forestais.
• Xullo 2020: Santa Comba tamén obriga aos propietaron a limpar as súas parcelas.
• Maio 2020: Ponteceso lembra a obrigatoriedade de manter limpas as fincas para previr os incendios.
• Febreiro 20: Camariñas tamén apura aos propietarios a limpar as fincas.
• Agosto 19: Ponteceso atrévese a meter man na xestión das franxas antiincendios.