Martes. 16.07.2024
El tiempo

A Laracha presentará a súa candidatura para que UNICEF a recoñeza como "Cidade Amiga da Infancia"

2023.11.28.- Foro Unicef-Parlamento de Galicia. Representantes A Laracha
Representantes A Laracha no Foro Unicef visitando o Parlamento de Galicia.
A Laracha presentará a súa candidatura para que UNICEF a recoñeza como "Cidade Amiga da Infancia"

O I Plan Local de Infancia e Adolescencia (PLIA) do Concello da Laracha é unha boa carta de presentación. Porque xa hai tempo que o Concello de Laracha está traballando en materia de Infancia, e de aí que vaia presentar a súa candidatura a UNICEF como “Cidade Amiga da Infancia”, unha cuestión que xa foi sometida ao ditame da Comisión Informativa de Asuntos Xerais do Pleno.

A distinción é outorgada por UNICEF para impulsar os dereitos da infancia e da adolescencia no ámbito local. Concédese aos concellos que mostran o seu compromiso nesa materia mediante a aplicación de modelos de xestión e de sistemas de gobernanza que xeren mecanismos reais de participación dos nenos e mozos cunha estratexia a longo prazo que sitúe a eses colectivos no centro das políticas municipais.

No marco do PLIA foi creado o Espazo de Participación de Nenos, Nenas e Adolescentes, e leváronse a cabo iniciativas como a participación da Laracha no XI Foro Infantil UNICEF-Parlamento de Galicia e o desenvolvemento de xornadas de seguridade viaria nos tres colexios do municipio.

A obtención da distinción como “Cidade Amiga da Infancia” suporía o recoñecemento de UNICEF ás boas prácticas municipais e un aliciente para o desenvolvemento, a mellora continua e a innovación das políticas locais dirixidas á infancia e á adolescencia.

Máis novas

Comentarios