Que ben que todos os centros educativos e as bibliotecas da comarca de Bergantiños teñan xa nas súas aulas este libro tan propio. O Concello envíou exemplares de “Os bolechas van á Mostra da Olería de Buño” a 26 colexios e 7 bibliotecas da comarca. Trátase dun agasallo da Concellería de Educación, Cultura e Turismo, que dirixe Noelia Freijeiro Novo, para que os nenos e nenas de toda a comarca poidan desfrutar coas aventuras dos populares personaxes no noso concello.

A publicación, que foi presentada o pasado mes de agosto coincidindo coa visita dos bolechas corpóreos a Buño, fai un percorrido pola nosa tradición artesá e por algúns dos principais atractivos turísticos do municipio de Malpica da man de Carmiña, unha pequena oleira que se converte en protagonista e fío condutor da historia.

Novas relacionadas

• Mostra 2016: Os Bolechas visitan a mostra da Olería de Buño.
• Mostra 2016: Unhas 15.000 persoas visitan Buño durante a Mostra da Olería.

Fonte

• Concello de Malpica.