Luns. 19.04.2021
El tiempo

Alejandra Plaza percorre, conto a conto, o Camiño polas escolas de Bergantiños dende Alemaña

Alejandra Plaza contando un conto nas escolas de Bergantinos
Alejandra Plaza contando un conto nas escolas de Bergantinos
Alejandra Plaza percorre, conto a conto, o Camiño polas escolas de Bergantiños dende Alemaña

Despois dun ano complicado pola situación que nos rodea volve Alejandra Plaza e os seus contacontos á carga de maneira virtual. Faino cun conto moi especial creado para a ocasión, vinculando o Entroido co Camiño de Santiago, pensado para espallar por toda a península.

De feito, ao longo da semana vivirán o conto, a través da pantalla, máis de 200 [email protected] de varios coles de Bergantiños, pero tamén de Almería.

Alejandra Plaza a embaixadora cabanesa de entroido

O luns comezou coa cativada das Unitarias de Mens, Campara, Barizo, Brantuas, CRA Nosa señora do Faro, entre Malpica e Ponteceso. O martes foi tempo de achegarse ata Ponteceso, cos peques das escolas de Tallo, Tella, Xornes, Neaño, Pazos. O mércores e venres tocou nas Revoltas de Cabana, e o xoves vaise ata a outra punta da península, ata El Puntal de Bedar, en Almería.

A xornada de contacontos estivo moi ben artellada e coordinada cas mestras, pois os nenos xa levaban uns días traballando arredor do Camiño, e mesmo se disfrazaron de peregrinos, para rematar o conto, e ademais pechar o círculo e participar no proxecto de embaixada.gal “Todos os Camiños levan a Galicia”.

A interactuación é fundamental nestas sesións da nosa embaixadora cabanesa, como o demostra o proxecto de camiños e corredoiras que a cativada da comarca percorreu a base de contos e cantigas non coa música de Uxía Lambona e a Banda Molona e o seu recente éxito de "Martiño Peregrín”.

Peques da CRA de Ponteceso

Novas da diáspora

comentarios