O Concello de Cabana de Bergantiños conmemorou este serán o Día Internacional contra a Violencia de Xénero cun acto celebrado no emblemático Dolmen de Dombate, onde a cultura xogou un papel protagonista.

As persoas asistentes desfrutaron das artes escénicas de Clara Ferrao e Nuria Sotelo, así como do arte combativo de Laura Tova, que actualmente expón a súa obra no propio centro arqueolóxico.

A veciñanza de Cabana estivo representada pola agrupación local O Son do Castro, a poeta Matilde Vilariño, a Escola Municipal de Teatro e a actriz Anabel Castiñeiras Romero.

O broche final ao acto púxoo o concerto de Guadi Galego, que, coa súa música, deu voz a unha loita social coa que o Concello de Cabana reafirma o seu compromiso constante e decidido.

Máis novas do 25N