O Podcast Todos Nós axúdanos a “baixar o volume da síndrome da impostora”
Volve Patricia Vaquero, de Nós Igualdade, coa segunda tempada do Podcast Todos Nós, espazo radiofónico que forma parte da Comunidade de Mulleres Profesionais e Empresarias da Costa da Morte.
Un espazo que nacía a principios de ano co obxectivo de construír un espazo seguro para reflexionar sobre os temas que preocupan e preocupan ás mulleres desde a perspectiva de xénero. “Un espazo para dar voz e visibilidade a mulleres profesionais e emprendedoras e poñer en valor todos os seus coñecementos e experiencia”, como ela mesmo debulla.
Esta tempada como novidade haberá episodios curtos, tipo de pílula de adestramento que se mesturan cos episodios de entrevista como se facía na primeira tempada. Tamén se converterá nun espazo semanal.
Arrinca neste novembro adicándoo á violencia de xénero cos 3 capítulos. O primeiro, xa na rede, reflexiona sobre como combater “o síndrome da impostora”.
Analizarase ademais nos seguintes capítulos a loita contra a violencia de Xénero, desde o punto de vista das Institucións, con Manuela Villaboy, xefa da Unidade de Violencia sobre a Muller da Subdelegación do Goberno na Coruña, e mais con Lucía Baña e Raquel Varela, avogados que exercen nos partidos xudiciais de Corcubión e Carballo.
Tamén analizarán a importancia da saúde mental coa Psicóloga Lorena Seoane, da clínica Orixe de Carballo.
Estade atentas ás redes, ao ivoox ou spotify, ou as ondas da radiONeria onde Patricia grava os programas gracias á colaboración de Toño Casais.
