Non hai semana que a Garda Civil non dea conta dun novo roubo de cable de cobre ou de teléfono pola bisbarra. Se a comezos de mes os roubos ocorrían en Laxe, duarnte a mañá do pasado mércores tiña lugar un suceso semellante en Cabana. Así, Axentes da área de Investigación da Garda Civil de Carballo detiveron a un home de 19 anos de idade acusado de subtraer 119 metros de cable telefónico, así como de causar para a súa subtracción danos valorados en máis de 3.000 euros. Os feitos que motivaron esta detención tiveron lugar a noite do pasado día 13, cando a Garda Civil era alertada de que no lugar de Cardezo, termo de Cabana de Bergantiños, poderíase estar subtraendo cable telefónico. A inmediata presenza en devandito lugar dunha patrulla da Garda Civil de Laxe permitiu testemuñar a presenza dun turismo, aínda que non foi posible a identificación do seu condutor xa que este, facendo caso omiso ao sinal regulamentario dos axentes, realizou unha manobra brusca e fuxiu do lugar a gran velocidade. As xestións policiais que desde aquela data viñéronse realizando permitiron a identificación, localización e detención do posible autor destes feitos, que se atopa a disposición da autoridade xudicial.

Novas relacionadas

• Novos roubos de cable de cobre, desta volta en Laxe.
• Sorprendidos en Vimianzo cando queimaban cable de cobre roubado.

Fonte

• Nota de prensa da Garda Civil.