Son moitas as familias da Costa da Morte que directa ou indirectamente están vinculadas coa diversidade funcional. Por iso, o vindeiro 3 de decembro, a asociación Íntegro celebrará a I xornada Diversidade e Familia coincidindo coa conmemoración do día internacional das Persoas con Discapacidade. Esta iniciativa, organizada en colaboración co concello dePonteceso, forma parte do programa Capacíta-T que está destinado a formar e orientar a persoas relacionadas coa diversidade funcional. Segundo indican dende a organización, o acto central da xornada consistirá no desenvolvemento, a cargo de diversos profesionais, dunha serie de relatorios no que se abordarán cuestións como a diversidade, a familia, a sexualidade e experiencias persoais. A xornada, que terá lugar no edificio das Escolas da Trabe de  Ponteceso, de 17 a 20 horas, tamén fomentará a conciliación. Desta forma, están previstas unha serie de actividades lúdicas que achegarán aos máis pequenos o concepto da diversidade a través do xogo. O colofón desta xornada será a entrega de premios e a exposición dos traballos do concurso “O noso mundo”, no que participaron alumnos de infantil e primaria dos colexios de Ponteceso. Novas relacionadas

• Íntegro imparte en Malpica un curso de colocación de pladur e de pintura
• Íntegro recibe o apoio da Deputación da Coruña
• Íntegro prepara un completo programa para o Día da Inclusión
• Unha Carreira para integrar.
• Os discapacitados somos nós.
• 40 persoas con discapacidade insertáronse en Bergantiños a través de COGAMI.
• Íntegro normaliza a diferencia na Diversiescola de Carballo.
• 2014: Íntegro, Adisbismur, Ambas e Misela celebraron o Día da Inclusión en Ponteceso.
• 20 anos de integridade dende Cabana para toda a Costa da Morte.

Fonte

• Redacción QPC (info@quepasanacosta.gal)
• Íntegro