Trala visita, en vivo a San Andrés de Teixido, o departamento de Servizos Sociais do Concello de Cabana de Bergantiños organiza unha excursión ás Rías Baixas para todas aquelas persoas maiores de 60 anos e que estean interesadas nesta actividade de lecer. A excursión realizarase o vindeiro xoves 12 de maio. O prazo de inscrición para a mesma abre mañá martes 26 de abril e manterase aberto ata o 9 de maio. As prazas son limitadas e cubriranse por orde de incrición que se poderá realizar na oficina da educadora familiar. O custo da excursión é de 22,00 €, que inclúe comida e billete en catamarán.

As actividades a realizar nesa xornada son as seguintes. Partirase da Casa da Cultura ás 8 da mañá. Visitaranse as vilas de Combarro, Cambados, O Grove e a illa da Toxa. Comerase ás 14.00 no restaurante San Carlo. Pola tarde, realizarase un paseo en catamarán pola ría de Arousa e desgustaranse mexillóns da ría e viños da terra.

Novas relacionadas

• Un cento un cabaneses foron de vivos a Santo André de Teixido.

Fonte

• Nota de prensa do departamento de Servizos Sociais do Concello de Cabana de Bergantiños.