Mércores. 25.11.2020
El tiempo

17 sacos grandes de lixo menos na ribeira do río do Porto

Algunhas das desfeitas medioambientais rescatadas da xunqueira do río do Porto
Algunhas das desfeitas medioambientais rescatadas da xunqueira do río do Porto
17 sacos grandes de lixo menos na ribeira do río do Porto

Paralelo á Limpeza Simultánea das Praias, os colectivos PX Costa da Morte e Mar de Fábula xuntaron unha ducia de voluntarios (a organización lamentou a baixa participación), incluída a alcaldesa de Camariñas, que durante 2 horas de duro traballo, multiplicaron o seu esforzo para deixar libres de lixo plástico a xunqueira do río pola plaza do Outeiro e a ribeira da Agra de Dor.

O total da infame colleita foron 17 sacos grandes de 100 litros cheos de lixo plástico, botellas, envases e anacos de todo tipo, trapos, restos dun big-bag, chatarra enferruxada, botellas de vidro, 2 boias, unha caixa de peixe, un neumático e, na cabeceira da xunqueira, xurdiu o máis estrambótico dos residuos: desenterraron e deixaron ao aire (para ser retirada por un tractor con grúa), unha estructura de ferro composta polo capó dunha furgoneta e un armazón de ferro duns 5 metros de lonxitude que, segundo información de Rafael Lema, foi unha carrilana acuática construída e abandonada no río hai uns 3 anos.

Hoxe luns os servicios loxísticos do concello asumiran o transporte e a debida xestión das fraccións do lixo recollido.

Exif_JPEG_420

NOVAS RELACIONADAS

comentarios