9 praias da Costa da Morte luciron o pasado 2013 a Bandeira Azul. Este verán de 2014, a entidade ADEAC-Fee outorga apenas 6 distintivos aos areais da nosa zona.

Parece estrano que unha zona chea de praias paradisíacas teña unha porcentaxe tan baixa de bandeiras, tendo en conta que en Galicia, a comunidade con máis distintivos de toda España, conta con 123 este verán. Pero é que en tempos de crise, os Concellos non empregan esforzos nestas vicisitudes, a pesar de que polo menos, supoñen unha promoción extra turisticamente falando.

Son varias as praias que perden a categoría con respecto ao ano pasado: a da Ribeira e a da Langosteira, en Fisterra, e a praia do Razo, en Carballo, que mantén a da Saíñas e a da Pedra Sol. Mantéñense tamén as apostas de Dumbría polo Ézaro; a de praia de Laxe, que segue a ser a única con Q de Calidade e con Bandeira Azul; e a de San Francisco, en Muros. E se estiramos un pouco, tamén consideramos moi nosa a praia de Caión, aínda no Concello de Laracha.

Cómpre sinalar que o Club Náutico de Camariñas tamén lucirá Bandeira Azul, sendo o único porto da bisbarra e un dos 19 de toda Galicia.

Novas relacionadas

• Doble bandeira, doble promoción, doble esixencia e máis recortes.
• 2013: 9 praias da Costa da Morte lucirán este verán a Bandeira Azul.
• 2012: 8 praias e un porto deportivo da Costa da Morte lucirán Bandeira Azul este verán.
• 2012: A praia de Laxe, a única praia da Costa da Morte coa Q de Calidade.
• 2011: A única praia con dúas bandeiras.
• 2011: A Costa da Morte recupera, e perde, varias Bandeiras Azuis.
• 2010: A Costa perde dúas e gaña unha Bandeira Azul .
• 2009: Tan só 6 praias da Costa da Morte merecen o recoñecemento da Bandeira Azul .

Fonte

• Redacción de QPC ([email protected]).

Fonte

• Redacción de QPC ([email protected]).
• Asociación De Educación Ambiental y del Consumidor-Foundation for Environmental Education (ADEAC-Fee).