Este sábado, a asociación cultural Naufraxios Galegos organizou un emotivo acto ás portads o Museo de Man de Camelle para descubrir a placa conmemorativa dedicada aos dezaséis heroes (14 mariñeiros de Camelle e 2 de Arou) que rescataron a trinta e dous náufragos do vapor mixto británico City of Agra, o 3 de febreiro do 1897 cando afundiu fronte a Arou.

Dito evento é o preámbulo dos 117 días de duro traballo que teñen por diante os socios e socias desta asociación cultural, convertida xa nun referente na Costa da Morte, a cal estará por segundo ano consecutivo e na Semana Santa, na XXXI Mostra do Encaixe de Camariñas, onde o Concello camariñán cederalles un posto para promocionar e divulgar o seu gran programa cultural, dentro deste gran e consolidado evento internacional.

A AC Naufraxios Galegos, organiza este ano a III edición do meirande programa cultural dedicado a un naufraxio no noso país: 2City of Agra, 125 anos na memoria", que se celebrará os días 8, 9 e 10 de xullo na vila mariñeira de Camelle na que haberá unha Feira Mariñeira; unha gran exposición sobre o naufraxio; un espectáculo dunha palillada teatralizada nocturna; un roteiro animado (que sae dende o lugar do naufraxio a carón das Lobeiras en Arou, até o Campo do Santo en Camelle, onde está a igrexa de Espírito Santo que ten pendurada no seu campanario a campá do CITY OF AGRA); foliada; recreacións históricas (entre elas a espectacular arribada dos náufragos ao porto de Camelle a noite do sábado 9 de xullo) homenaxes, música e concurso de tapas con especias.

Novas relacionadas

• Outubro 2021: O pobo de Camelle volcouse co emocionante programa cultural arredor do Naufraxio do City of Agra.
• Maio 2019: 122 anos do City of Agra. Camelle recuperou parte da súa historia salgada.
• Miro Villar: Efeméride: 120 anos do naufraxio do «City of Agra» e un poema de Antón Zapata García.