A parroquia de Gándara, en Zas, rexistrou na xornada de onte, xoves 11 de agosto, un pequeno incendio. O suceso acontecía a uns cen metros das casas, no lugar de Vilar Ramiro. Ata alí achegáronse dúas motobombas e outras tantas cuadrillas do SEAGA. Tamén estivo no lugar un axente forestal e unha patrulla da Garda Civil. Os propios veciños da zona tentaron controlar o lume, foron quen de conseguilo antes de que chegaran os efectivos de emerxencias. O lume produciuse nunha prantación de eucaliptos. Outro incendio en Camariñas No concello de Camariñas tamén se produciu un incendio onte. Foi no Cabanal, entre as parroquias de Camelle e Arou. O lume xurdiu arredor das 11:00h da mañá.

Novas relacionadas

• A política por diante do lume.
• 30-06-11: O lume que arrasou Cabana por mor dos fogos de artificio.
• 29-06-11: Novos lumes en Cabana, Ponteceso e Fisterra.
• 28-06-11: O lume da praia da Langosteira cóbrase un detido.
• 21-06-11: O lume chega á Costa.
• 05-05-11: Primeiras detencións na Costa por sendos incendios en Cabana e Muxía.
• 27-09-10: Unha muller detida en Muxía como suposta autora de 3 incendios.
• 02-08-10: Arde a Costa da Morte.
• 31-08-10: As lapas cercan o Faro Fisterra .

Fonte

• Informacións facilitadas por Xusto Gómez.