O BNG presenta 16 enmendas aos orzamentos da Xunta que consolidan a marxinación da Costa da Morte

O BNG presenta 16 enmendas aos orzamentos da Xunta que consolidan a marxinación da Costa da Morte

06:51 23/11/15

Paco Jorquera e Kuka Sar de Nos Candidatura Galega

Paco Jorquera e Kuka Sar, de Nós Candidatura Galega

Paco Jorquera e o fisterrán Xan Carlos Sar, candidato de "Nós, candidatura galega" na lista ao congreso como segundo suplente, presentaron o pasado venres as enmendas que o BNG presentou aos orzamentos da Xunta relativos á Costa da Morte. A Autovía volve ser a gran protagonsita, pero outras infraestruturas moi solicitadas como o contradique do porto de Fisterra, o centro de saúde fisterrán, o saneamento das rías de Corcubión e de Camariñas, e outras moitas cousas volven ser esquecidas nos números da Xunta.

Jorquera denuncia os continuos recortes: “A Xunta presume duns orzamentos expansivos porque o gasto se incremena en 365 millóns, cando durante todo "o periodo Feijóo" os recortes ascenderon aos 10.000 millóns de euros. No que respecta á nosa bisbarra, Jorquera considera que "son os orzamentos da consolidación da marxinación Costa da Morte".

Sar presentou as enmendas que van mais aló dos 13 millóns de euros e que pasan por ser "imprescindibles para o despegue inicial da Costa da Morte":

1. Contradique de abrigo Porto Fisterra.
2. Seguridade viaria, acondicionamento e dotación Servizos da travesía da estrada AC-455, ao seu paso pola recta da Anchoa, na entrada de Fisterra.
3. Construción do centro de saúde de Fisterra.
4. Posta en marcha do Plan Director do Cabo Fisterra.
5. Reparación, mellora e mantemento dos centros escolares de Fisterra.
6. Mellora das estacións de bombeo e colectores da rede de saneamento de Fisterra.
7. Mellora saneamento depuración das aldeas que faltan para acadar a plena depuración das augas en Camariñas.
8. Ampliación e mellora da EDAR de Cée-Corcubión.
9. Seguridade viaria, acondicionamiento e dotación servizos da travesía da estrada AC-552 (avd. Fisterra) e da AC 550 (Avda. Fernando Blanco) ao seu paso por Cée.
10. Dotación material Hospital Cee e dotación persoal Hospital Cee.
11. Dotación sistemas para operatividad heliporto Ruibo.
12. Dotación Porto de BRENS de base e equipamento de loita contra a contaminación mariña.
13. Variante acceso Porto de Brens.
14. Saneamento integral ría Corcubión
15. Dotación equipamento Centro de día de Corcubión.
16. Ampliación e mellora da rede de auga potable e saneamento no rural en Muxía.