Do de Laxe non sabemos nada (nin sequera nos orzamentos de 2015). Pero do de Camelle, cando hai novidade, por pequena que sexa, nota ao canto. Xa sabemos que ten o surtidor listo, e hoxe sabemos que os 60 bloques de formigón que reforzarán o dique de Camelle xa están listos, esperando que calme o mar para a súa colocación.

Onte tocaba visita institucional para revisar a primeira fase das obras de reparación do dique de abrigo camellán, unha das zonas máis afectadas polos temporais do pasado inverno.

En concreto, ata o momento rematouse a fase de fabricación dos bloques de formigón cos que se reforzará o manto do dique nas zonas afectadas pola acción dos temporais. Deste xeito, os bloques están listos para a súa colocación por parte dunha grúa no momento en que as condicións de axitación do mar o permitan, dado que esta acción só pode ejecutarse co mar en calma por razóns de seguridade.

As obras, que deron comezo a finais do mes de outubro, consisten fundamentalmente no reforzo do manto principal. Para elo, colocaranse novos bloques de formigón de 55 toneladas na segunda e terceira aliñación do dique, e de 80 toneladas na zona do morro. A defensa interior de protección da terceira aliñación reforzarase con bloques de 20 toneladas e reparase o pavimento do inicio do dique ademáis de repoñer as varandas.

Novas relacionadas

• 11-11-14: O porto de Camelle xa ten surtidor.
• 03-11-14: 60 bloques de formigón reforzarán o dique de Camelle.

Fonte

• Redacción de QPC ([email protected]).