Despois do aviso do Concello, a preocupación polo mal funcionamento do Insitituo Social da Mariña de Camariñas continúa. Desta volta é o Partido Popular o que rexistrou no Congreso dos Deputados unha iniciativa que recolle a preocupación que existe en Camariñas polo peche do ISM, recollida e trasladada pola portavoz municipal, Paula Mouzo Mas. A través da parlamentaria Rosa Quintana e doutros congresistas do Grupo Popular presentarónse varias preguntas para interesarse polo peche da oficina do ISM de Camariñas.

Para Paula Mouzo, “En Camariñas existe preocupación polo peche dunha oficina que presta un servizo moi importante para os mariñeiros e polo tanto solicitamos explicacións ao goberno de Pedro Sánchez e solicitamos que se subsane esta situación o antes posible”.

Segundo a portavoz popular mediante esta iniciativa parlamentaria pretendemos saber “cando volverá a estar operativa esta oficina, realmente porqué se chegou a este punto e non se buscou unha alternativa e cales son as previsións do goberno central”.

O grupo formulou as seguintes cuestións: 

• Que medidas inmediatas ten previsto tomar o Goberno para restablecer a atención presencial na oficina do ISM de Camariñas?
• Ten previsto o Goberno cubrir con urxencia o posto vacante nesa oficina e, de ser así, en que prazo?
• Que planificación de recursos humanos está a implementar o Goberno para evitar peches noutras oficinas do ISM da costa gallega e do conxunto do litoral español?
• Cal é o número actual de oficinas do ISM que viron reducidos os seus servizos ou sufriron peches temporais nos últimos cinco anos?
• Que medidas alternativas adoptou o Goberno para atender aos traballadores do mar durante estes peches e como está a garantir que o seu traballo e os seus dereitos non se vexan afectados?
• Considera o Goberno o peche das oficinas do ISM en territorios fortemente dependentes da actividade pesqueira coherente coa obriga de garantir a igualdade de acceso aos servizos públicos?

Queixas en 2023: