Venres. 29.03.2024
El tiempo

Touriñán porá as risas na Mostra do Encaixe

Touriñán - Aquí Tou © Ainé Producións _ Aigi Boga 1
Touri en Aquí Tou © Ainé Producións - Aigi Boga
Touriñán porá as risas na Mostra do Encaixe
Música, moda e humor daranse a man na XXXII Mostra do Encaixe de Camariñas - Deputación da Coruña gracias á chegada de Xosé A. Touriñán. O artista coruñés presentará, o sábado 8 de abril ás 20:30 horas, o seu monólogo ‘Aquí Tou!’, que utiliza en ton sarcástico historias da súa vida “porque o que hai que facer é rir dun mesmo para poder rir de calquera cousa”.

Touriñán adianta que os que se acheguen a ver a súa actuación “van rir moito”. “Eu o que conto son historias da miña vida, porque o que hai que facer é rir dun mesmo e do que lle pasa a un na vida para poder rir de calquera cousa. O monólogo está construído a base de historias da miña vida, algunha de antes de que eu nacera, e tamén do que eu espero para o futuro, diso vai Aquí Tou!”, explica o humorista.

Para o cómico será a primeira vez no Encaixe de Camariñas. Non só como profesional, senón a nivel personal. “Son coruñés pero nunca estiven na Mostra do Encaixe. É a primeira vez que estarei en Camariñas eses días aínda que escoitei falar dela toda a vida”, recoñece Touri, que sinala que o que non falta na súa casa é encaixe: “Por suposto que hai encaixe na miña casa. Non sei moi ben se mercado pola miña avoa ou polos meus pais, pero si que hai pezas de encaixe de Camariñas na casa”.

Máis novas do Encaixe

Comentarios