Venres. 01.07.2022
El tiempo

BNG e PP debaten sobre a circunvalación e a ampliación do polígono carballés no Parlamento

Deputados carballeses
Rubén Lorenzo e Daniel Pérez
BNG e PP debaten sobre a circunvalación e a ampliación do polígono carballés no Parlamento

Pasou onte pola Comisión do Parlamento Galego a neceside de continuar a mellora de infraestruturas do Concello de Carballo. E precisamente foron dous deputados carballeses (Daniel Perez polo BNG e Rubén Lorenzo polo PP) o que protagonizaron un duelo dialéctivo.

O BNG levaba unha proposición non de Lei sobre a ampliación do polígono industrial de Carballo e sobre a necesidade de acometer xa as obras da circunvalación. Dous proxectos estratéxicos para o futuro económico da comarca de Bergantiños.

Cómpre lembrar que a circunvalación aínda non someteu a información pública, malia prometelo hai dous meses, o proxecto da 1ª fase da Variante de Carballo. Mentres seguimos esperando pola licitación da ampliación do polígono de Bértoa.

Nesa liña ían as propostas do BNG. “Este polígono é un auténtico motor económico para estas dúas comarcas para a creación de creación de emprego do que non podemos prescindir sobre todo despois das políticas de terra queimada aplicadas nos anos de goberno do PP, que converteron a Costa da Morte nun ermo industrial”.
“Non hai tempo que perder e cada día que pasa sen esta ampliación, pérdese a oportunidade de xerar emprego, riqueza e benestar”. Por todo iso solicitaban o apoio de todos os grupos da Cámara para “axilizar a redacción do proxecto de ampliación e que se efectivice en 9 meses e non se esgote o prazo total, que serían 18”.

Negativa do PP

Pero o PP votou en contra da doble proposta. O deputado carballés Rubén Lorenzo centrou a atención na crítica sobre a “confrontación do Concello en actuacións relevantes como a circunvalación, a cesión de terreos para o novo centro de saúde ou o propio parque empresarial”.

Asegurou, iso si, “a Xunta avanza coa ampliación do polígono industrial de Carballo e adxudicará neste mes a redacción do proxecto de interese autonómico”.

Novas relacionadas

comentarios