A pasada fin de semana remataba o curso de mestría en compostaxe caseira en Carballo que a artellou a entidade Amigos da terra. Un curso, gratuíto, destinado a persoas desempregadas, para fomentar a creación de emprego nun sector con gran proxección de futuro.

Chegaron persoas de toda Galicia a capital bergantiñá para aprender de primeira man dos mellores especialistas na materia, e coñecer iniciativas municipais como o horto de aromáticas da Escola Municipal de Hostalaría do Fórum Carballo, que recupera a súa actividade co curso de cociña que se imparte dentro do obradoiro dual de emprego Fórum Dual, e o Horto Infantil Ecolóxico Municipal.

A formación constou de 48 horas, divididas en 8 módulos en liña e 16 módulos de prácticas presenciais, ao longo das cales abordouse o ciclo completo de xestión da fracción orgánica dos residuos. O de Carballo foi o segundo curso organizado en Galicia, e incluíu visitas ás plantas de compostaxe de Santiago e Lousame.

Compre destacar que Carballo é pioneiro na posta en marcha de iniciativas coma esta da compostaxe caseira ou o Ti tes a Chave do contedor marrón.

Novas relacionadas

• Maio 22: Carballo exporta experiencia en compostaxe caseira polos concellos galegos.
• Abril 22: Carballo leva a compostaxe ao Mercado
• Novembro 21: Centos de veciñ@s de Carballo e A Laracha usan a primeira fornada do compost urbano do programa #TitesaChave.
• Abril 21: 1.253 familias e 123 establecimentos de Carballo teñen a chave da compostaxe urbana.
• Marzo 2021: 567 familias carballesas xa compostan na casa.
• Xuño 2020: As familias de Carballo xa superan a reciclaxe de 11.100 quilos na quinta fracción .
• Xullo 2020: Gran acollida do programa "Ti tes a chave" de Carballo na súa primeira semana de funcionamento.