Este venres, día 3 de xaneiro de 2025, de 19.00 a 20:30 h., terá lugar no espazo cultural Espiral Maior Foro (Rúa do Sol, 34), unha sesión de sinatura de libros, con dedicatoria de puño e letra dos seus autores, para ofrecer, deste xeito tan especial e personalizado, un agasallo exclusivo de Reis.

Na sesión estarán presentes, asinando as súas recentes obras literarias Xosé Antonio Andrade, co seu libro Os cómaros da vida. Diarios 2020-2022; o poeta Raúl Herrera, coa súa obra Garza na dorna, e Fernando Cabeza Quiles co seu libro, toda unha novidade editorial, A toponimia dos celtas brigantinos e doutros pobos da Gallaecia.

Todos os asistentes poderán degustar unha copa de viño ou cava galego para celebrar o novo ano 2025.