Sufocan un incendio preto de Ponte Lubiáns
![CONSORCIO - PONTE LUBIÁNS](/asset/thumbnail,992,558,center,center/media/quepasanacosta/images/2024/04/12/2024041213193950839.png)
13:20 12/04/24
Os bombeiros do parque Comarcal Provincial de Carballo recibiron ás 22:06 horas da noite de onte, xoves 11 de abril, a notificación dun incendio localizado na proximidades da Ponte Lubiáns, no municipio de Carballo.
Xa no lugar, os bombeiros efectuaron unha inspección perimetral para identificar o foco das chamas, o cal se atopou nunha morea de lixo que incluía pneumáticos, mobles e outros residuos. Logo desta intervención inicial procedeuse á extinción do lume, o cal non ocasionou ningún tipo de dano persoal nin material.
Completou o operativo a Policía Local de Carballo.