Xa abrimos as portas dos Concellos de Cabana e Vimianzo, e a piques estamos de facelo do de Ponteceso e outros 5 concellos máis da bisbarra. Pero hoxe paramos en Carnota para abrir este necesario servizo burocrático municipal en pleno século XXI.

https://sede.carnota.es/gl/ é a dirección da sede electrónica do Concello de Carnota. Aínda non ten, pero terá en breve, acceso dende a web municipal concellodecarnota.com, e a través desta plataforma virtualos veciños do municipio poderán realizar trámites administrativos desde a casa as 24 horas do día e os 365 días do ano con todas as garantías legais, de confidencialidade e seguridade.

Esta sede permite, por exemplo, consultar o estado dun trámite, obter un volante de empadroamento ou consultar expedientes, e os usuarios só precisarán o DNI electrónico ou un certificado electrónico, de xeito que se manteñen todas as garantías legais, así como as de confidencialidade e seguridade.

O investimento da institución provincial para pór en marcha toda a plataforma é de 177.000 euros, o mesmo que tería que realizar cada administración local por separado. Con esta plataforma provincial, para os concellos non suporá ningún custe implantar as sedes electrónicas nos seus municipios.

Máis información

• https://sede.carnota.es/gl/.

Novas relacionadas

• O Concello de Cabana abre as súas portais 24 horas coa sede electrónica.
• Vimianzo é o primeiro concello da Costa da Morte en contar con sede electrónica.
• Ponteceso será o 4º Concello da provincia con Sede Electrónica.
• 12-07-12: 8 Concello da Costa da Morte terán Sede Electrónica.

Fonte

• Deputación.