Mércores. 05.10.2022
El tiempo

Continúan as fins de semanas cheas de sendeirismo pola Costa

Continúan as fins de semanas cheas de sendeirismo pola Costa

Esta fin de semana o sendeirismo volve ser un dos protagonistas. Bocata, auga ao lombo, unhas boas botas e roupa cómoda para percorrer a bisbarra, a pé. E descubrindo segredos ás que non se chega en 4 rodas, iso dende logo.
Así, o concellos de Camariñas, Carnota e Ponteceso acollerán sendas rutas de sendeirismo durante a fin de semana, cun intercambio de experiencias entre concellos máis que interesante.

E o fan unha semana despois de que fóra o Concello de Corcubión o que organizase unha Xornada de Sendeirismo por Muxía. 12 quilómetros de achádegos e convivencia que contaron ademais coa, sempre especial participación dos amigos de Aspadex.
Aí vemos a foto de equipo en Moraime.

Ruta vimiancesa por Camariñas

Se xa fumos da man do Concello vimiancés pola ribeira do río Grande, hoxe agarramos o autobús e imos ata Camariñas, continuando co programa de rutas artellado entre o Concello de Vimianzo e os de Camariñas e Ponteceso.

A ruta percorrerá o litoral da vila do encaixe e subir ó monte da Vela para gozar dunha impresionante vista panorámica da Costa da Morte. En total uns 17 km. de andaina na que pasarase preto do faro do Cabo Vilán e subirase á capela da Virxe do Monte.

  • Saída: Sábado 26 ás 9:00 am. praza do Concello. Poden inscribirse ata hoxe mesmo no Concello de Vimianzo.

Unha ruta, con foliada, por Caldebarcos

A segunda ruta que traemos é máis especial, pois acaba en romaría. A Foliada de Caldebarcos comeza pola mañá cunha sesión de camiñada na ruta dos Muíños.

  • Saída: Sábado 26 ás 10:15h á porta do Supermercado Cruces, en Caldebarcos, e non fai falla inscrición.

Ruta do Roncudo a Dombate

Completa a ruta que prantexa a Asociación Neria este domingo. Nada menos que 25 quilómetros entre o Faro Roncudo e Dombate, pasando por Corme, a Praia da Hermida, a Pedra da Serpe, a praia de Valarés, o Monte Branco, o Paseo Fluvial do anllóns, o Rego dos Muíños, e Castro Borneiro.
Para contar as historias, Xan Fernández Carrera.

  • Saída: Domingo 27 ás 09:30 do Faro Roncudo con bus de volta e refrixerio de balde. Poden apuntarse en 981 706 028 / [email protected]

Máis información

Novas relacionadas

Fonte

comentarios