No pasado mes de agosto, un grupo de cinco activistas realcionadas con COSAL-Costa da Morte (Chicha Martínez, Javier Turnes, Rafael Poncela, Alberto Pagán e Ubaldo Cerqueiro) viaxaron a Palestina, co fin de coñecer de primeira man, o que xa sabían de lonxe: o significado da ocupación sionista de Palestina.

A intención non era outra que a de poder compartir, unha vez á volta, as súas experiencias, coa veciñanza da Costa da Morte. E as sesións informativas xa están convocadas para esta mesma semana, que se desenvolverán en Corcubión e Carnota.
As citas "intentarán transmitir alomenos unha parte do que vimos e do que sentimos aló. Utilizaremos como fío algunhas das fotos que tomamos", explica Chicha Martínez. Ademais de charla, debate e fotografías, a sesión contará con algo máis.

Baixo o título "Palestina 2011: vivindo a ocupación" queren comezar a facer unha das cousas que aló o pobo palestino lles pediu con ansia, con desesperación: "Por favor, contade o que vedes, contade como vivimos". Este mércores en Corcubión, e xoves en Carnota, contaránolo.

I é que a situación política internacional, no canto de irse calmando, empeora. Este verán quedou ratificado que os gobernos europeos e mais os organismos internacionais obedecen as ordes sionistas, polo que somos case unicamente as sociedades civís as que nos enfrontamos á ocupación exercida por Israel.

Citas con Palestina na Costa da Morte

• Mércores 21 de setembro, ás 20.30h na Terraza do Hórreo, en Corcubión.
• Xoves 22 de setembro, ás 20.15h no Concello de Carnota.

Novas relacionadas

• Unha expedición da Costa toma nota do conflito en Palestina.
• A Costa da Morte tamén pon o seu gran de area para que a axuda humanitaria chegue a Gaza.
• O mar da Costa da Morte solidarizouse con Palestina.
• A Costa tamén marcha Rumbo a Gaza.
• Os colexios da zona envían material Rumbo a Gaza.
• A Costa da Morte boicotea Israel.
• La Terraza do Hórreo repasou a situación en Israel con Alberto Pradilla.
• Os centros educativos da zona tamén participan na campaña Rumbo a Gaza.
• COSAL e Buserana achegan o conflito de Gaza á Costa da Morte.
• Cee solidarizouse con Palestina a base de gargalladas.
• Entrevista con Mohamed Safa: “Os palestinos non falamos dun problema ideolóxico, senón de ocupación”.

Máis novas

• Cee cambia o rumbo da economía mundial.
• COSAL condena o agravamento da situación no Sáhara.
• Este verán, acolle un neno saharahoui.
• Charla con COSAL sobre a emigración: Todos somos emigrantes.
• Un crucero ao solpor de Fisterra.

Fonte

• Redacción de QPC ([email protected]).