Empeza o curso na Escola Municipal de Música de Carnota e de Santa Comba

Empeza o curso na Escola Municipal de Música de Carnota e de Santa Comba

08:45 01/10/14

Un ano máis chega o comezo de curso na ESMU de Carnota. Onte luns 29 de setembro celebrouse no salón de plenos do Concello de Carnota a reunión de principio de curso cos 121 inscritos. Alí tratáronse os temas máis comentados, como son os horarios do alumnado, o calendario lectivo, os días de atención aos pais, as materias de cada mestre, as normas internas, os prezos, etc.

Con consenso pleno entre pais, mestres e alumnos/as rematou a reunión á hora xusta para dar paso mañán, mércores 1 de outubro ao comezo das clases, no CEIP do Pindo, todos os días, de luns a venres, de 4 a 10 da noite.

A programación e as materias a impartir son extensas e variadas. Iniciación Musical (música e movemento), Linguaxe musical, Orquestra Orff, Coro infantil, Coral polifónica, Combos, Grupos de música tradicional, Música Activa, Harmonía, Linguaxe para adultos. Canto, piano, guitarra, baixo, tamboril, congas, batería, guitarra eléctrica, gaita, pandeireta, saxofón, clarinete, frauta e frauta traveseira.

O cadro de mestres repítese ano tras ano (os motivos son obvios con mirar os resultados e o número de inscricións), aínda que neste curso houbo un cambio. A mestra Ana por motivos persoais tivo que deixar, e contamos con outra gran mestra da área dos pequenos. Son: Pilar García. Iniciación Musical, Linguaxe Musical, Coro infantil, Orquestra Orff, Canto e clarinete.

Escola de Música Moderna de Santa Comba

En marcha a Escoal de Música Moderna Municipal de Santa Comba, que arrinca este luns 6 de outubro. Pode ser individual ou colectivamente. Teñen máis información no 981 880 275.

Ademais, está en marcha o Obradoiro de Expresión Escrita para moz@s de secundaria. Ponde inscribirse no Edif. Multiusos Santa Comba, tf. 981 81 87 10.