50 anos non se cumplen todos os días. E no CEIP O Pindo celebrouno por todo o alto. Máis de 250 persoas encheron o colexio pindexo para celebrar medio século historias e comunidade. Todo, ademais despois dun curso especialmente intenso, que comezaba “coa batalla polos recortes, conseguindo como conseguimos gracias á unidade de todas as familias, e terminar o curso celebrando o 50 aniversario con esta pedazo de festa, non ten nome. A palabra foi espectacular”, recoñece un satisfeito e orgulloso Basilio.

O salón de actos estaba a rebentar. Ademais de toda a comunidade escolar actual, xuntáronse mestres e mestras, así como conserxes e ex alumn@s de moitas xeracións. O mestre Don Juan, que ten xa 90 anos, era un dos máis ceteranos.

O acto oficial comezou con emotivos discursos por parte da directora do centro, así como dos alcaldes de Carnota, Juan Manuel Saborido Rama, e de Dumbría, Raúl González Lado.

A ex directora dirixu ás pequenas pandereteiras do cole, se ben o programa musical estivo a cargo do alumnado e do grupo tradicional “Pandereteir@s de Soleina, e un grupo da Escola de Música. Con todo, non se podía rematar a sesión doutro xeito que non fose cantando “coplas”.

Había un futbolín antigo, había diversas exposicións que foron completando as familias de notas antigas, de camisetas de EXB, ou mesmo unha exposición con máis de 2000 fotos.

Ao remate, emotiva foto diante do mural realizado para a ocasión do fisterrán MiguelFK, que vai permitir, ademais de alegrar a fachada do centro, lembrar a data de hoxe con gran emotividade.

Máis novas