Xa lanzaron o seu berro de auxilio, pero temen que se perda entre a voráxine e as cinzas. I é que pensan que "en canto esto se enfríe vanse esquecer totalmente totalmente de nós". A Cooperativa de Agricultura Raínha Lupa de Quilmas, que quedou calcinada nunha porcentaxe enorme tralo paso do Incendio Forestal de Carnota, leva "8 días sen internet nin teléfono, e o peor de todo é que seguro ao final temos que pagar toda a factura a telefónica".

"Estamos desprotexidos, abandonados", láiase Xosé Manuel Casais que lembra aquel fatídico 2006 cando os primeiros días si que recibiron a atención das administracións pero que aínda están agardando por esas axudas prometidas.

"Estes días gastamos 20.000 litros de auga sofocando o incendio para que non fóra máis devastador do que xa foi. Esa auga, vánnola pagar?", pregúntase sen moita confianza.

E non só levou o lume as froiteiras, os invernadoiros, as plantacións de espárragos, de cereais... Levou tamén gran parte do apiario. "Vimos de salvar as 8 das 60 alvarizas do apiario que quedaron vivas. Levámolas ao monte Lira, onde a Comunidade de montes nos acolleu moi ben, e alí poden medrar, pois por quí non teñen unha soa flor onde comer".

"O monte público"

Despois de pedir que as administracións non se esquezan da pequena Cooperativa, recorda unha problemática que hoxe atinxe a toda a zona. Boa parte da superficie queimada é da Comunidade de Montes de Quilmas, de Panchés e de Caldebarcos, que xunto con outras de Lira, San Mamede ou Carnota tiveron a ben recuperar o monte para os veciños. Pero na zona do Pindo, coma o monte é moi pouco produtivo, os veciños non se preocuparon por recuperalo monte e non hai comunidade de montes, polo que esa parte do Monte Pindo é público".

Máis información

• Album de Fotos sobre o Incendio no Facebook de Que pasa na Costa .
• Twitter @Quepasanacosta ou #IFCarnota.

Novas sobre incendios

• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Redacción de QPC ([email protected]).