O cante coral únese ca gastronomía para facer festa
![](/asset/thumbnail,992,558,center,center/media/quepasanacosta/images/2012/10/23/Certame-de-Corais-Pos-Festa.jpg)
Segue a ser impresionante o tirón do cante coral na Costa da Morte. Unha das probas máis claras é o Certame de Corais Costa da Morte, que este ano chegaba a súa 4ª edición, e que se celebraba na Igrexa Nova de Baio. Era a Coral Xan Mella de Baio a anfitriona, e volveu demostrar que sabe como facer festa: concerto e despois pantagruélica festa gastronómica.
![Cheo na Igrexa de Baio para o Certame de Corais Costa da Morte Cheo na Igrexa de Baio para o Certame de Corais Costa da Morte](/media/quepasanacosta/images/2012/10/23/Cheo-na-Igrexa-de-Baio-para-o-Certame-de-Corais-Costa-da-Morte.jpg)
Ata 7 corais (Laxe, Muxía, Muros, Carnota, Cesullas, Corcubión e Baio) e case dous centos de coralistas participaron no Certame, que xa é o festival de polifonía máis grande da Costa da Morte ata agora (e por pouco xa dicimos aquelo de "o máis grande de Europa").
Coa Igrexa ateigada, soaron habaneras, espirituais negros, canción pop, boleros, de autor, cantigas vascas e, por suposto, canción galega… un pouco de todo, para deleitar e prepararnos para o xantar.
Da Igrexa ao salón onde disfrutaron dunha festa post-concerto chea de ledicia e confraternización entre as sete corais participantes. Houbo tortillas, xamóns de porco, callos, rosco, café, chupitos, viño e moitas cantigas ata altas horas da madrugada. Esta xente maior si que o sabe montar ben!
![Certame de Corais Pos-Festa](/media/quepasanacosta/images/2012/10/23/Certame-de-Corais-Pos-Festa.jpg)
As corais
![Coral Xan Mella de Baio Coral Xan Mella de Baio](/media/quepasanacosta/images/2012/10/23/Coral-Xan-Mella-de-Baio.jpg)
![Coral Virxe da Barca de Muxia Coral Virxe da Barca de Muxia](/media/quepasanacosta/images/2012/10/23/Coral-Virxe-da-Barca-de-Muxia.jpg)
![Coral Escola de Musica de Carnota Coral Escola de Musica de Carnota](/media/quepasanacosta/images/2012/10/23/Coral-Escola-de-Musica-de-Carnota.jpg)
![Coral Don Diego de Muros Coral Don Diego de Muros](/media/quepasanacosta/images/2012/10/23/Coral-Don-Diego-de-Muros.jpg)
![Coral de Cesullas Coral de Cesullas](/media/quepasanacosta/images/2012/10/23/Coral-de-Cesullas.jpg)
![Coral Atalaia de Laxe Coral Atalaia de Laxe](/media/quepasanacosta/images/2012/10/23/Coral-Atalaia-de-Laxe.jpg)
![Coral Airinos de Quenxe de Corcubion Coral Airiños de Quenxe de Corcubión](/media/quepasanacosta/images/2012/10/23/Coral-Airinos-de-Quenxe-de-Corcubion.jpg)
Novas relacionadas
- A gastronomía e a música Coral fúndense en Baio.
- Isto si que é unha Asemblea Xeral.
- As corais da Costa lánzanse ao pop.